Preguntas frecuentes

MEKET é unha aplicación, que podes usar no móbil, na tableta e no ordenador, que che dá un código QR persoal coa información que necesitaría quen te atope nunha emerxencia: os teus contactos, os teus datos médicos máis importantes ou como devolverche un obxecto perdido. Levas ese QR enriba —no casco, na mochila, no chaveiro, na pulseira, no colar do teu can— e calquera persoa pode escanealo coa cámara do seu móbil para ver, ao momento, o que ti decidiches mostrar. Está pensado para o momento en que ti non podes falar: un accidente adestrando só, unha persoa maior desorientada, un menor que se separou da súa familia ou unha mascota perdida.

Non. Quen escanea só necesita a cámara do móbil: non ten que descargar ningunha app, crear unha conta nin rexistrarse. Ao escanear ábrese no navegador a túa ficha de emerxencia, cos datos que ti marcases como visibles. O QR apunta sempre ao teu perfil actualizado, así que o que se ve é sempre a última versión dos teus datos.

Si. Quen escanea necesita conexión a internet no seu móbil para cargar a ficha. É o que permite que a información estea sempre actualizada: se cambias un teléfono, quen escanee despois verá o número novo. Agora mesmo non hai modo sen conexión.

Non. O QR non contén os teus datos: é unha ligazón ao teu perfil. Se cambias un teléfono, unha medicación ou un contacto de emerxencia, o cambio é inmediato e o mesmo QR que xa levas mostrará a información nova. Non hai que volver imprimir nin gravar nada.

MEKET é unha aplicación que podes usar no móbil, na tableta e no ordenador, pero non fai falta descargala de ningunha tenda: ábrese desde o navegador, en app.meketid.com. Se queres tela a man como calquera outra app, podes instalala na pantalla de inicio do teu móbil desde o propio navegador. Así non depende de ningunha tenda, actualízase soa e funciona igual en Android, iPhone e ordenador. Crear o perfil leva uns cinco minutos.

Funciona en calquera país: abonda con que quen escanee teña un móbil con conexión. A app está en nove idiomas: castelán, catalán, inglés, francés, italiano, galego, éuscaro, alemán e portugués. A ficha que ve quen escanea móstrase no idioma que escolliches no teu perfil. Os textos que escribes ti (alerxias, medicación, notas) vense tal como os escribiches, sen tradución automática; se viaxas, convén escribilos de forma que se entendan fóra.

Só os que ti marques como visibles. Cada dato ten o seu propio interruptor: podes mostrar os teus contactos de emerxencia e o teu grupo sanguíneo e ocultar, por exemplo, a túa medicación. O número de pasaporte é sempre privado por defecto. Recomendámosche un perfil curto e claro: o que cambia como te atenden (alerxias a medicamentos, condicións como diabetes ou epilepsia, anticoagulantes) e a quen chamar. O enderezo da túa casa non fai falta: quen te atope necesita saber a quen avisar, non onde vives.

Os teus datos gárdanse cifrados en servidores da Unión Europea, de acordo co Regulamento xeral de protección de datos (RXPD). MEKET non vende nin cede os teus datos a ninguén. Fóra do que ti marques como visible na túa ficha de emerxencia, ninguén máis pode ver a túa información. Os detalles completos están na política de privacidade, ligada ao pé da web.

Con MEKET+ e MEKET Family, cada vez que alguén escanea o teu QR avísase a ti e aos teus contactos de emerxencia por correo electrónico, e tamén cunha notificación no móbil a quen teña a app instalada coas notificacións activadas. A quen escanea pregúntaselle se quere compartir a súa localización: se acepta, o aviso inclúe o punto exacto no mapa; se non, unha localización aproximada (a cidade). A localización nunca se recolle ás agachadas. Quen escanea é anónimo: non lle pedimos ningún dato. Con MEKET Esencial non hai avisos de escaneo.

Non. MEKET non fai seguimento, non é un localizador activo e non avisa se alguén sae dunha zona. O que fai é resolver o momento en que alguén xa atopou a persoa (ou o animal, ou o obxecto) e non sabe quen é nin a quen avisar. Se fai falta seguimento continuo, por exemplo con algunhas persoas con deterioración cognitiva, un reloxo ou dispositivo con GPS é o complemento axeitado.

Desactívalo desde a app ao momento e o código deixa de funcionar: quen o escanee xa non verá os teus datos. Despois podes activar un QR novo vinculado ao mesmo perfil, sen ter que volver encher nada.

A seguridade está pensada desde o principio, porque en MEKET gárdanse datos médicos e contactos de emerxencia. Toda a comunicación vai cifrada (HTTPS) e os datos gárdanse cifrados en servidores da Unión Europea. Cada conta só pode ler e modificar os seus propios datos: esa regra aplícaa a propia base de datos, non só a app. Ademais, limitamos os intentos repetidos de entrar ou de cambiar datos sensibles, pechamos a sesión automaticamente tras un tempo sen actividade e avisámoste por correo de calquera cambio importante na túa conta. Revisamos a seguridade de forma periódica.

Si, e recomendámoscho. Desde Seguridade podes activar a verificación en dous pasos cunha app autenticadora (por exemplo Google Authenticator, Microsoft Authenticator ou 1Password). A partir dese momento, para entrar necesitarás o teu contrasinal e un código de seis cifras que cambia cada 30 segundos. Así, aínda que alguén coñecese o teu contrasinal, non podería entrar na túa conta.

Como mínimo 10 caracteres, con polo menos un número e un carácter especial. Ademais, non se aceptan contrasinais que aparecesen en filtracións coñecidas doutras webs. Recomendámosche usar un contrasinal que non utilices en ningún outro sitio, ou un xestor de contrasinais.

Si. Enviámosche un correo cando se cambia o teu contrasinal, cando se cambia o email da conta e cando se desactiva a verificación en dous pasos. Se recibes un destes avisos e non fuches ti, escríbenos axiña a hola@meketid.com.

Si. Se a app queda aberta e sen usar durante 10 minutos, a sesión péchase automaticamente, para que ninguén poida ver os teus datos nun móbil ou ordenador que deixases desbloqueado. Ademais, ao premer «Pechar sesión» péchase en todos os teus dispositivos á vez, e bórranse do dispositivo os datos gardados temporalmente.

Cada QR leva un código longo e aleatorio, imposible de adiviñar probando combinacións. Se alguén copia ou fotografa o teu QR, só verá o mesmo que vería quen o escanea: o que ti marcaches como visible. Se queres invalidalo, desde Seguridade podes rexenerar o teu QR dixital (o antigo deixa de funcionar ao instante) ou desactivar un soporte físico concreto, sen afectar aos demais.

Non. As fichas de emerxencia están marcadas para que os buscadores non as indexen, e só se pode chegar a elas escaneando o QR ou coa súa ligazón exacta, que é longa e aleatoria.

O mínimo para que funcionen os avisos e para evitar abusos: cando se escaneou e, se a persoa o acepta, desde onde. Non pedimos nin gardamos o seu nome nin o seu teléfono, e o seu enderezo IP non se garda tal cal, senón convertido nunha pegada cifrada que non permite saber quen é.

Puxemos límites para que non sexa útil intentalo: a localización só se acepta do mesmo móbil que abriu a ficha e nos minutos seguintes, o mesmo lector non pode disparar avisos repetidos e hai un máximo de avisos por perfil e hora. Así, unha emerxencia real con varias persoas axudando segue avisando, pero non se pode inundar o teu correo con avisos falsos.

Non. Os pagamentos procésaos Stripe, unha das plataformas de pagamento máis utilizadas do mundo. MEKET nunca ve nin garda o número da túa tarxeta.

Os datos de saúde son unha categoría especial segundo o RXPD, así que só os tratamos co teu consentimento explícito, que dás ao crear o perfil e queda rexistrado. Ti escolles dato a dato cales se ven na ficha de emerxencia; os que non marcas como visibles non saen da túa conta. Se actualizamos a política de privacidade, pedímosche de novo o consentimento antes de seguir.

O perfil dun menor só o pode crear e xestionar o adulto titular dunha conta MEKET Family, que decide que se mostra. Cando fai falta, pedimos a verificación do pai, nai ou titor por correo electrónico. As fotos dos perfís pasan pola revisión automática e, se hai dúbidas, por unha persoa.

Nun almacenamento privado, non nun cartafol público. Cando unha foto se mostra na ficha de emerxencia, entrégase cunha ligazón temporal que caduca, e só se ti escolliches mostrala. Se lle quitas a visibilidade pública á foto, deixa de verse ao instante.

Ao dar de baixa a conta elimínanse a túa conta, os teus perfís e os seus datos, e os teus QR deixan de mostrar información. Se tiñas unha subscrición, cancélase antes, para que non se che volva cobrar. Chégache un correo confirmando a baixa: se non a pediches ti, escríbenos axiña.

Cambia o contrasinal desde Seguridade, activa a verificación en dous pasos e pecha a sesión: así péchase en todos os dispositivos. Se na túa ficha hai datos que non recoñeces, corríxeos e escríbenos a hola@meketid.com para que o revisemos contigo.

As fotos que se soben revísanse automaticamente cun sistema de intelixencia artificial antes de publicarse, para comprobar que cumpren as condicións do servizo e protexer os menores. Se unha foto ofrece dúbidas, revísaa unha persoa; se se rexeita, podes pedir unha revisión humana. As fotos non se usan para adestrar modelos de intelixencia artificial. Ti decides se a foto se mostra ou non na ficha de emerxencia.

Só o equipo de administración, cando fai falta para darche soporte ou manter o servizo. Ese acceso esixe verificación en dous pasos obrigatoria e queda rexistrado. MEKET non vende nin cede os teus datos a ninguén.

Si. MEKET Esencial é de balde e non pide tarxeta: inclúe o perfil do titular, o QR de emerxencia e a privacidade dato a dato. MEKET+ custa 9,99 € ao ano (menos de 1 € ao mes) e MEKET Family, 19,99 € ao ano. Son prezos fixos, con IVE incluído.

MEKET Esencial (de balde): só o titular da conta, con QR de emerxencia e privacidade dato a dato; sen fotografía, sen modo viaxeiro e sen avisos de escaneo. MEKET+ (9,99 €/ano): o titular e, como máximo, unha mascota; engade fotografía, modo viaxeiro e avisos de escaneo. É individual: non admite outro adulto, menores nin obxectos. MEKET Family (19,99 €/ano): ata 10 perfís nunha soa conta, cun máximo de 4 adultos; o resto poden ser menores, mascotas e obxectos. Inclúe fotografía, modo viaxeiro e avisos de escaneo.

O pagamento faise desde a app con tarxeta, Apple Pay, Google Pay, Link ou Revolut Pay. A subscrición renóvase soa cada ano; antes da renovación avisámoste por correo e na app.

Podes cancelar cando queiras desde a túa conta, no portal de pagamentos. Mantés o teu plan ata o final do período pagado e despois pasas a MEKET Esencial. Se baixas de plan, os perfís que non caben no novo quedan bloqueados e consérvanse 30 días (avisámoste 7 días antes de borralos); se volves subir de plan antes, recupéranse. Ao pasar a Esencial só queda o perfil do titular; de Family a MEKET+, o titular e a mascota máis antiga.

En MEKET+ non, porque é individual. Para ter máis dun adulto na mesma conta, o plan é MEKET Family (ata 4 adultos). A outra opción é que esa persoa cree a súa propia conta, de balde con MEKET Esencial ou co seu propio MEKET+.

En calquera sitio onde quen te atope poida velo e escanealo sen ter que cachearte: no casco, no chaleco de hidratación ou na mochila, nunha pulseira, no chaveiro, nun colgante, cosido na roupa, no colar do teu can ou na maleta. O importante é que vaia sempre contigo e que se vexa a simple vista.

Aínda non se venden soportes físicos. Mentres tanto, podes descargar o teu QR desde a app como imaxe ou como PDF listo para imprimir e levalo no soporte que prefiras: un adhesivo plastificado, unha placa, unha tarxeta na carteira. Se che interesan os soportes de MEKET, escríbenos a hola@meketid.com e avisarémoste cando estean dispoñibles. Para empresas, clubs ou pedidos en volume, tamén en hola@meketid.com.

Unha persoa con deterioración cognitiva a miúdo non pode dicir quen é nin a quen chamar. Se leva un QR de MEKET, quen a atope —un veciño, unha farmacéutica, un axente— escanéao e ve en segundos o seu nome habitual, os teléfonos da familia coa súa relación ("Ana · filla"), a información médica que cambia o trato (diagnóstico, medicación crítica, alerxias) e instrucións que ti escribises, como "responde mellor a Ramón" ou "non lle fales en voz alta, chama primeiro ao número 1". Con MEKET+ ou Family, ademais, recibes un aviso cando alguén escanea o QR, coa localización se quen escanea a comparte.

Onde o leve sempre sen pensalo: unha pulseira cómoda que non se quite, un colgante baixo a roupa, un parche cosido na chaqueta que usa a diario ou o chaveiro se sempre sae coas chaves. O mellor soporte é o que non se esquece nin se quita, non o máis sofisticado.

Podes xestionarllo ti desde a túa conta con MEKET Family, que admite ata 4 adultos. Se non, cada adulto pode crear a súa propia conta, de balde con MEKET Esencial.

Os perfís de menores forman parte de MEKET Family. Créaos e xestiónaos o adulto titular da conta, que decide que se ve no QR. O menor non necesita conta nin móbil. A data de nacemento é obrigatoria: ao cumprir 18 anos, na seguinte renovación o perfil pasa a ser de adulto se na Family queda sitio (máximo 4 adultos); se non, avisamos o titular.

O que responde ás tres preguntas que se fai quen te atopa, nesta orde: quen es, a quen avisar e que debe saber un sanitario antes de tocarte. É dicir: nome completo, de un a tres contactos que de verdade collan o teléfono (coa súa relación), grupo sanguíneo, alerxias a medicamentos, condicións que cambian a asistencia (diabetes, epilepsia, marcapasos, anticoagulación, asma grave) e a túa medicación habitual. Lévao onde se vexa sen ter que cachearte: casco, chaleco ou mochila, pulseira ou dorsal. Un perfil curto e actualizado é máis útil ca un completo e desordenado.

Nunha emerxencia o móbil pode estar bloqueado, sen batería ou nun peto, e a ficha médica do móbil só serve se quen te atende sabe que existe e como abrila. O QR de MEKET leo calquera con calquera móbil, sen necesidade de tocar o teu.

O modo viaxeiro (MEKET+ e MEKET Family) engade ao teu perfil datos útiles fóra da casa: pasaporte (sempre privado), seguro de viaxe, embaixada no país de destino, tarxeta sanitaria europea e idiomas que falas.

Porque o chip necesita un lector de clínica ou protectora, en horario de apertura, e que os datos do rexistro estean ao día. O QR leo calquera co móbil no momento, aínda que sexa un sábado pola noite no campo: ve o teu teléfono, o nome do animal e as instrucións que deixases. Non substitúe o chip, que é obrigatorio e é a identificación oficial: compleméntanse.

O mínimo: o nome do can, un teléfono que collas case sempre e a indicación "teño chip". O que non debe levar: o teu enderezo. Unha chapa gravada ten pouco espazo; un QR ao lado amplía con máis contactos (se non o collas ti, hai un plan B), condicións médicas ou medicación, instrucións ("é medoñento, non o persigas") e veterinario de referencia, e actualízase sen volver gravar nada.

Nome, especie, raza, microchip, pasaporte veterinario, vacinas, veterinario de referencia, alerxias, medicación e contacto do propietario. Serve para calquera animal. Con MEKET+ podes ter unha mascota; con MEKET Family, varias.

Si, con MEKET Family. O perfil de obxecto (bicicleta, patinete, maleta, instrumento, cámara…) inclúe descrición, marca, número de serie, o teu contacto e unha mensaxe para quen o atope; tamén podes indicar se ofreces recompensa. Quen o atopa contacta contigo directamente, sen intermediarios.

Si: MEKET Team, pensada para empresas e clubs deportivos que queren que cada traballador ou deportista leve a súa identificación de emerxencia, por exemplo no chaleco, no casco ou na equipaxe deportiva. Para información, escríbenos a hola@meketid.com.

Por correo electrónico, en hola@meketid.com. Respondemos nun prazo de 48 horas.